Qazaqstan batýttaǵy gımnastıkadan Ispanııada ótetin álem chempıonatyna qatysady

ASTANA. KAZINFORM – 5-9 qarasha aralyǵynda Ispanııanyń Pamplona qalasynda batýttaǵy gımnastıkadan álem chempıonaty ótedi.

Ulttyq olımpıadalyq komıtettiń málimetinshe, Qazaqstan quramasynyń sapynda Danıl Mýsabaev, Erlan Tasmaǵambetov, Roman Barkov, Nıkıta Týmakov jáne Vıktorııa Býtolına baq synaıdy. 

Qazaqstandyq sportshylar jekeleı jáne sınhrondy sekirý baǵdarlamalarynda, sondaı-aq erler jáne aralas sanattarda óner kórsetedi.

Buǵan qosa, erler quramasy komandalyq esepte júlde úshin talasady. 

Eske sala keteıik, buǵan deıin Manama qalasynda ótken jasóspirimder arasyndaǵy Azııa oıyndarynda Qazaqstan bıiktikke sekirýden qos birdeı júlde jeńip alǵanyn habarlaǵan edik.