Qazaqstan bastaýysh mektepte oqý aqysy boıynsha 106 eldiń ishinde 58-orynda tur

NUR-SULTAN. QazAqparat - Qazaqstan halyqaralyq bastaýysh mektepte bilim alý aqysy reıtınginde osy jyldyń 2 qyrkúıeginde 106 eldiń ishinde 58-shi orynǵa shyqty, dep habarlaıdy QazAqparat Ranking.kz saıtyna silteme jasap.

Qazaqstanda osyndaı mektepte oqý aqysy bir jylǵa 5,6 myń AQSh dollaryn qurady

TMD elderiniń arasynda halyqaralyq bastaýysh mektepte bilim alý quny Reseı men Belarýste Qazaqstanǵa qaraǵanda qymbatyraq, al Ózbekstan, Ázerbaıjan, Armenııa, Ýkraına jáne Moldovada arzan.

Reıtıngte eń joǵary baǵa - Shveıtsarııa, Sıngapýr jáne Qytaıda, eń tómen baǵa - Shrı-Lanka, Pákistan jáne Bangladeshte belgilengen.

Osy jyldyń ekinshi toqsanynda QR-da bastaýysh bilim salasyndaǵy qyzmetter kólemi 142,6 mlrd teńgeni qurady, bir jyl buryn 107,9 mlrd teńge bolǵan edi.

Túrkistan oblysynda bastaýysh bilim berý salasynda eń kóp qyzmet kórsetildi: 36,3 mlrd teńge - bir jyl burynǵyǵa qaraǵanda 28,9% kóp.

Odan keıin Almaty (17,5 mlrd teńge, plıýs 39,8 %) jáne Jambyl oblysy (17 mlrd teńge, plıýs 36,1 %).

Osy jyldyń tamyz aıynda balalardy damytý ortalyqtary qyzmetteriniń quny bir jylda 6,5% ósti.

Baǵanyń ósýi Shyǵys Qazaqstan (jylyna 20,8%-ǵa), Atyraý (14,6% - ǵa) jáne Qyzylorda (14% - ǵa) oblystarynda baıqaldy.

Eń tómengi jyldyq ósim Shymkentte tirkeldi: barlyǵy 2,7 %.

Almaty men Jambyl oblysynda damytý ortalyqtary qyzmetteriniń baǵasy burynǵy deńgeıde qaldy.