Qazaqstan basshysyn Prezıdenttikke qaıta saılanýymen Ázirbaıjan prezıdenti quttyqtady
Ý. 5 sáýir. QazAqparat /Arnur Muhametkárim/ - Memleket basshysy Nursultan Nazarbaevty prezıdenttik saılaýda jeńiske jetýimen Ázirbaıjan Respýblıkasynyń prezıdenti Ilham Álıev quttyqtady.
Jedelhat mátininde bylaı delingen:
Qazaqstan Respýblıkasynyń Prezıdenti
Joǵary mártebeli
Nursultan Nazarbaev myrzaǵa
Qurmetti Nursultan Ábishuly!
Sizdiń Qazaqstan Respýblıkasynyń Prezıdenti bolyp qaıta saılanýyńyzǵa oraı meniń shyn júrekten quttyqtaýymdy qabyl alyńyz.
Sizdiń saılaýdaǵy jeńisińiz Qazaqstan halqynyń Sizge degen zor senimin, memlekettilik pen quqyq tártibin bekitý, qoǵamnyń barlyq salalarynda túpkilikti ózgertýlerdi júzege asyrýǵa arnalǵan Siz ustanǵan baǵytqa degen qoldaýynyń kórinisi.
Ázirbaıjan men Qazaqstandy kóp ǵasyrlyq dostyq, tatýlyq pen yntymaqtastyq baılanystyrady. Osy jaqsy dástúrlerge negizdelgen bizdiń memleketaralyq qarym-qatynastarymyz bizdiń dostas halyqtar men elderdiń ıgiligi úshin odan ári damı beretinine senimdimin.
Sizge, qurmetti Nursultan Ábishuly, zor densaýlyq, baqyt, yntymaq pen Qazaqstannyń damýy jolyndaǵy eren eńbegińizge zor tabys tilegim keledi.
Qurmetpen, Ázirbaıjan Respýblıkasynyń Prezıdenti
Ilham Álıev
