El quramasy basketboldan 2026 jylǵy Azııa oıyndaryndaǵy ónerin aıaqtady
ASTANA. KAZINFORM — Qazaqstan erler quramasy basketboldan Aıchı-Nagoıada (Japonııa) ótip jatqan Azııa oıyndaryndaǵy toptyq kezeńde sońǵy matchyn ótkizdi.
Úshinshi oıynda ulttyq qurama Bahreın komandasymen kezdesti. Oıyn 101:78 esebimen qarsylastyń paıdasyna aıaqtaldy.
Osylaısha, Qazaqstan quramasy toptaǵy úsh kezdesýdiń barlyǵynda jeńilip, S tobynda tórtinshi oryn aldy. Nátıjesinde ulttyq qurama Azııa oıyndaryndaǵy jarysyn aıaqtady.
Buǵan deıin qazaqstandyq basketbolshylar Qytaıǵa 61:99, Fılıppınge 78:109 esebimen jol bergen edi.
Jarys erejesine sáıkes, shırek fınalǵa úsh toptyń árqaısysynan úzdik eki komanda, sondaı-aq úshinshi oryn alǵan quramalar arasyndaǵy nátıjesi eń joǵary eki komanda joldama alady.
Qazaqstan S tobynda tórtinshi oryn alǵandyqtan, basketboldan Azııa oıyndarynda óner kórsetýin aıaqtady.
Eske salaıyq, buǵan deıin Aqmaral Erekesheva kórkem gımnastıkadan Chehııadaǵy Gran-Prıde top jarǵanyn habarlaǵanbyz.
