Qazaqstan basqarýdyń parlamenttik júıesine kóshýi múmkin - polıak sarapshysy

ASTANA. QazAqparat - Qazaqstan Prezıdenti Nursultan Nazarbaevtyń bılik tarmaqtary arasyndaǵy ókilettikterdi qaıta bólý máseleleri jónindegi úndeýi basqarýdyń parlamenttik júıesine kóshýge umtylystan týyndaýy múmkin.

 Mundaı pikirdi Polsha Respýblıkasynyń senatory Kazımej Kleına bildirdi, dep habarlaıdy QazAqparat.

«Qazaqstan Táýelsizdiginiń, sonymen qatar Konstıtýtsııada bekitilgen basqarýdyń prezıdenttik júıesi qyzmetiniń 25 jyldyǵy turǵysynan alyp qaraǵanda bul  Prezıdent Nursultan Nazarbaevtyń, ózge de qazaqstandyq saıasattanýshylardyń jarııa sóz sóıleýlerinde birneshe márte qozǵalǵan. Degenmen, qazirgi ýaqytta mundaı sheshimniń qabyldanýy tańdanys týdyrmaı qoımaıdy. Meniń paıymymsha, bul jaǵdaıda basqarýdyń parlamenttik júıesine kóshýge umtylys baıqalady. Alaıda, jumys toby ázirlegen naqty sheshimder jáne soǵan saı Qazaqstan Respýblıkasy Konstıtýtsııasy men zańdaryna túzetýler jobasy  onyń dáleli bola alady», - dedi Kazımej Kleına.