Qazaqstan básekege qabiletti elder reıtınginde 34-orynǵa kóterildi
NUR-SULTAN. QazAqparat - Shveıtsarııanyń Lozanna qalasyndaǵy Halyqaralyq menedjmentti damytý ınstıtýtynyń álemdik básekege qabiletti zertteý ortalyǵy 2019 jylǵy reıtıngin jarııalady, dep habarlaıdy QazAqparat tilshisi.
Ortalyq málimetinshe, Qazaqstan bıylǵy reıtıngte 34-orynnan kórinip otyr. Qazaqstannan keıin turǵan 29 eldiń ishinde Italııa, Ispanııa, Túrkııa jáne Reseı bar.
Reıtıngtiń birinshi baǵanynda - Sıngapýr, ekinshi orynda - Gonkong, úshinshi orynda - AQSh, tórtinshi orynda - Shveıtsarııa, besinshi orynda - Birikken Arab Ámirlikteri ornalasqan. Al eń tómengi oryndarǵa Brazılııa, Horvatııa, Argentına, Mońǵolııa jáne Venesýela jaıǵasqan.
TMD elderi ishinde bizden keıin Reseı 45-shi, Ýkraına 54-oryndy ıelendi. Bıyl zertteýler 63 memlekette júrgizilgen bolatyn. Eske sala keteıik, ótken jyly elimiz bul tizimde 38-orynnan kóringen edi.
IMD reıtıngi básekege qabilet deńgeıin anyqtaý úshin álem elderiniń ekonomıkalyq damý deńgeıin, el úkimetiniń tıimdiligin, bıznes tıimdiligi men ınfraqurylymdyq damý kórsetkishterin basshylyqqa alady.
