Qazaqstan bas redaktorlary klýby prezıdentiniń paıymdaýynsha, 30 jyldan keıin elimizde gazetterge suranys kemıdi
ASTANA. 30 qarasha. QazAqparat /Rýslan Ǵabbasov/ - Bul týraly búgin Astanada ótken Eýropalyq jáne azııalyq medıa forýmyna baılanysty bolǵan baspasóz máslıhatynda Qazaqstan bas redaktorlary klýbynyń prezıdenti, «Oko» gazetiniń bas redaktory Bolat Erejepov málim etti.
«Forým barysynda sarapshylardyń biri 1975 jyldan keıin týǵan býyn zeınetke shyqqannan soń basylymdarǵa qyzyǵýshylyq tómendeıtinin paıymdap otyr»,-dep toqtalǵan redaktor, «menińshe, dál osylaı bolatyn sekildi»,-dedi. ıAǵnı, 20-30 jyldan keıin gazetterge degen suranys kúrt azaıady.
Onyń paıymdaýynsha, basylymdardyń shaǵyn tırajdary saqtalýy múmkin. Olardy áýesqoılar, ıaǵnı osy qaǵaz ónimge qyzyǵýshylyq tanytqan toptar ǵana oqıtyn bolady.
«Men elimizdiń joǵary laýazymdy ókilderiniń birimen áńgimelesken kezde, memleket tarapynan basylymdarǵa qoldaý kórsetý sharalary jalǵasatyny belgili boldy»,-dedi bas redaktor.
Onyń pikirinshe, bul úrdis kóptegen memleketterdiń úkimetterine qolaıly.
