«Qazaqstan Barysynyń» júlde qoryn 1 mln. dollardan asyrý josparlanyp otyr
ASTANA. QazAqparat - «Qazaqstan Barysynyń» júlde qory qysqarmaıdy. Bul týraly búgin ótken baspasóz máslıhatynda QR Qazaq kúresi fedaratsııasynyń prezıdenti Arman Shoraev málim etti.
«Álemde daǵdarys bolyp jatqanyn bilesizder, sondyqtan bizdiń de qarjymyzdyń kólemi birshama qysqardy. Biraq ta, biz qolymyzdan kelgenshe júlde qoryn burynǵy deńgeıde saqtap qalýǵa tyrysamyz. Óıtkeni, serikterimizdiń sany jyl saıyn artýda jáne olar tıisti qoldaý jasaıdy degen senimdemiz», - dedi Shoraev.
Onyń sózine qaraǵanda, daǵdarystyq jaǵdaı eńserilgennen keıin, bolashaqta júlde qory artatyn bolady.
«Daǵdarystar ótpeli, ıaǵnı jaqyn arada aıaqtalar. Bizdiń josparymyz boıynsha aldaǵy on jyl ishinde júlde qory 1 mln. dollardan asyp túsedi degen oıdamyz», - dedi federatsııa basshysy.
Budan buryn habarlanǵandaı, QR Prezıdentiniń júldesi úshin «Qazaqstan Barysy» týrnıriniń aqtyq syny 5 shildede elordadaǵy «Saryarqa» respýblıkalyq velotreginde ótedi. Qazirgi kezde irikteý jarystarynyń birinshi kezeńi ótkizilýde.
