«Qazaqstan Barysynyń» jeńimpazy 25 mln teńge alady
ASTANA. QazAqparat - Astana tórindegi «Barys Arena» sport kesheninde Qazaqstan Respýblıkasy Tuńǵysh Prezıdentiniń júldesi úshin qazaq kúresinen «Qazaqstan Barysy» VIII Respýblıkalyq týrnıri jalaýyn jelbiretti, dep habarlaıdy QazAqparat tilshisi.
Bıyl Astananyń 20 jyldyǵyna oraı, uıymdastyrylyp jatqan jatqan dodaǵa elimizdiń 14 oblysy men Astana, Almaty jáne Shymkent qalalarynan iriktelgen eń myqty 35 balýan qatysady.
«Qazaqstan Barysy» týrnıriniń júlde qory da qomaqty. Jeńimpaz atanǵan balýanǵa altyn belbeý men altynnan quıylǵan «taıtuıaq» tabystalady. Ekinshi jáne úshinshi orynǵa sáıkesinshe kúmis jáne qola belbeý tapsyrylmaq. Ár beldesýdegi jeńis úshin balýandarǵa 100 myń teńgeden berilmek.
Sonymen qatar, ІІІ oryn alǵan balýanǵa 1,8 mln teńge, al onyń bapkerine 900 myń teńge tabystalady. Al ІІ oryn úshin 5,5 mıllıon teńge, onyń bapkerine 1,8 mln teńge berilmek. Týrnırde top jarǵan birinshi oryn ıegeri 25 mln teńgege ıe bolady. Al onyń bapkerine 3,5 mln teńge tapsyrylady.
Esterińizge sala keteıik, osyǵan deıin «Qazaqstan Barysy» ataǵyn Ulan Rysqul, Beıbit Ystybaev, Aıbek Nuǵymarov, Muhıt Tursynov, Elaman Erǵalıev jeńip alǵan bolatyn.
