«Qazaqstan Barysynyń» fınaly ótetin kún belgili boldy
ASTANA. 4 aqpan. QazAqparat - Bıylǵy «Qazaqstan barysy» atty qazaqsha kúresten ótetin respýblıkalyq týrnıriniń alǵashqy irikteý oıyndary aqpan aıynda júrgiziledi. Bul týraly búgin Astanada ótken baspasóz máslıhatynda «Nur Otan» HDP hatshysy Erlan Qarın málimdedi.
Onyń aıtýynsha, «Qazaqstan barysynyń» irikteý týrnırleri aýyldyq-selolyq, aýdandyq-qalalyq jáne oblystyq bolyp úshke bólinedi.
«Alǵashqy irikteý oıyndary aqpan aıynda aýyldyq-selolyq jerlerde júrgiziledi. Odan úzdik shyqqandar naýryz aıynda aýdandyq-qalalyq týrnırlerde irikteledi. Al sáýir aıynda oblystyq deńgeıdegi irikteýler ótedi», - dep atap ótti E. Qarın.
Al bıylǵy «Qazaqstan barysy» respýblıkalyq týrnıriniń fınaly Astana kúnine oraılastyrylmaqshy kórinedi.
«Biz uıymdastyrýshylar alqasymen aqyldasa kele, bıylǵy fınaldy Astananyń 15 jyldyǵyna oraılastyryp, maýsymnyń 30 kúnine belgilep otyrmyz», - dedi ol.
