«Qazaqstan barysyna» qatysatyn balýandardyń salmaq ólsheý rásimi ótedi
ASTANA. QazAqparat - Búgin Qazaqstan Respýblıkasy Tuńǵysh Prezıdentiniń júldesi úshin qazaq kúresinen «Qazaqstan Barysy» VII Respýblıkalyq týrnırine qatysatyn balýandardyń resmı salmaq ólsheý rásimi ótedi, dep habarlaıdy QazAqparat tilshisi.
Salmaq ólsheý rásimi 19:00-de jańadan ashylǵan EKSPO janyndaǵy «Mega Silk Way» oıyn-saýyq ortalyǵynda ótedi. Bul týraly «Qazaqstan Barysy» qazaq kúresin damytý qorynyń baspasóz qyzmeti habarlaıdy.
Atalǵan sharada bıylǵy jarysqa qatysatyn 34 balýan kópshiliktiń aldynda tarazyǵa turyp, sportshylardyń salmaǵy tirkeletin bolady.
Esterińizge sala ketsek, «Qazaqstan Barysy» fınalyna elimizdiń 14 oblysy, Almaty men Astana qalalary jáne áskerıler arasynda irikteýden úzdik shyqqandar qatysady.
«Qazaqstan Barysy» týrnıriniń fınaly 2 shilde kúni saǵat 12:00-de Astana qalasyndaǵy «Barys Arena» muz saraıynda ótkiziledi. Qazaqstan aýmaǵynda «Qazaqstan Barysy» týrnıriniń resmı bas habar taratýshysy «Qazaqstan» jáne «Qazsport» telearnasynan tikeleı efırde kórsetedi.
