«Qazaqstan Barysyna» iriktelgenderdiń basym bóligi aýyldan shyqqandar - A. Shoraev

«Qazaq kúresi boks, kórkem gımnastıka sekildi sýbektıvti sport túrine jatady. ıAǵnı, tóreshiler faktory munda da bar. Sondyqtan da, biz jyl saıyn osy adamı faktordy alastatýǵa kúsh salyp kelemiz. Aıta keterligi, bıylǵy jyly «Qazaqstan barysy» týrnıri boıynsha tóreshilerge eshqandaı da shaǵym túsken joq»,  - dedi A. Shoraev.

Bıylǵy týrnırdiń bas tóreshisi bilikti sportshy Shalqar Jolamanov bolǵan. Sóz arasynda A. Shoraev qazylyq jasaǵan tóreshilerdiń barlyǵyna rızashylyǵyn jetkizdi.

«Maǵan unaıtyn, meniń kóńilimnen shyǵatyn kúresshilerge kelsek, olar bar árıne. Olar týraly kóp aıtqym da kelmeıdi. Degenmen, qazaq kúresine qyzyǵýshylyǵy joǵary azamattardyń qatary jyl saıyn artyp kele jatyr. Mysaly, bıyl Dáýlethan Jaqypovtyń, Elaman Erǵalıevtyń kúresi qatty unady.  Biz bir kezderi qazaq kúresin aýyl jastary úshin áleýmettik lıftke aınaldyrý týraly ózimizge mindet qoıyp edik. Qudaıǵa shúkir, osy maqsatymyz oryndalyp keledi. Aıtalyq, sońǵy eki-úsh jylda týrnırge iriktelip jatqan balýandarymyzdyń jartysynan astamy aýyldan shyqqan, tanylmaı júrgen jas azamattardan quralyp otyr. Olardyń ózi týrnırge alǵash ret qatyssa da, jaqsy nátıjelerge qol jetkizip júr. Osy turǵydan alǵanda aldaǵy ýaqytta Beıbit sekildi tájirıbeli jigitterge beldesý qıyndaı túsedi dep oılaımyn», - dedi A. Shoraev.

Eske salsaq, jaqynda Astanada ótken altynshy «Qazaqstan Barysy-2016» respýblıkalyq týrnıriniń jeńimpazy Beıbit Ystybaev atanǵan bolatyn. Beıbit Ystybaev  osyǵan deıin 2012 jáne 2015 jyly «Qazaqstan Barysy» ataǵyna qol jetkizgen edi. Týrnır jeńimpazy B. Ystybaevqa 25 000 000 teńge, altyn taıtuıaq jáne Astanadan bir bólmeli páter berildi. Ekinshi oryn alǵan Jumanazar Ersultanovqa 5 500 000 teńge, úshinshi oryn alǵan Aıbol Aıtbekke 1 800 000 teńge kóleminde syılyq tabystaldy.