«Qazaqstan Barysy» týrnıriniń syıaqy qory 5 mln. teńgege ulǵaıdy
ASTANA. QazAqparat - «Qazaqstan Barysy» týrnıriniń syıaqy qory 5 mln. teńgege ulǵaıdy. Bul týraly búgin joba avtory Arman Shoraev málim etti.
«Aqpan aıynda teńge baǵamy ózgergenin jaqsy bilesizder. Biz týrnırdiń syıaqy qoryn sol qalpynda 150 myń AQSh dollary shamasynda qaldyrdyq. Teńgemen sanaıtyn bolsaq, onyń kólemi 5 mln. teńgege artty», - deıdi ol.
Onyń aıtýynsha, týrnır barysynda kórermender arasynda avtokólik oınatylatyn bolady.
Eske salaıyq, «Qazaqstan Barysy» 2010 jyldan beri ótkizilip keledi. Bıyl doda Astanada 29 maýsymda ótpek. Boz kilemde eldiń ár túkpirinen kelgen 28 eń myqty palýan kúsh synasady.
