«Qazaqstan Barysy» týrnıri fınaldyq saıysynyń bıletteri satylymǵa tústi
ASTANA. QazAqparat - 29 maýsym kúni qazaq kúresinen Ult kóshbasshysy - Qazaqstan Respýblıkasynyń Prezıdenti N.Á.Nazarbaevtyń júldesi úshin «Qazaqstan Barysy» týrnıriniń fınaldyq básekesi ótedi.
«Tól kúresimizden osymen 4-shi ret uıymdastyrylatyn dodaǵa jyl saıyn 8 mıllıonǵa jýyq jankúıer qyzyǵýshylyq tanytady. Jyldyń eń aıtýly sporttyq oqıǵasy Astana qalasynyń týǵan kúnine oraı ótetin túrli merekelik is-sharalardyń bastamasy bolmaq», - delingen «Qazaqstan Barysynyń» resmı saıtynda. Aıta keteıik, «Qazaqstan Barysy» týrnırinde «Altyn belbeý» men «Taıtuıaqtyń» ǵana emes, sonymen qatar Hyundai Elantra avtokóliginiń ıesi de anyqtalady. «Sý jańa kólikti utyp alǵyńyz kelse, baǵasy 1000/3000/5000 teńge turatyn bıletterdi satyp alyńyz! Kórermenderdi temir tulpardan bólek túrli tosyn syı kútýde. Árıne, eń basty tartys kilemde ótedi. Batyryńdy qoldaýǵa kel de, kólik utyp al!», - delingen habarlamada.
