«Qazaqstan Barysy»: Túrkistandyq balýan Ersultan Muzapparovqa kólik mingizdi

ASTANA. QazAqparat - Jýyrda Astanada ótken «Qazaqstan Barysy» týrnırinde Túrkistan oblysynyń namysyn qorǵaǵan Ersultan Muzapparovqa fılantrop, professor Oralbek Botbaı temir tulpar mingizdi.

Túrkistandyq balýan týrnırge tuńǵysh ret qatysqanyna qaramastan, jaqsy nátıjege qol jetkizdi. Muzapparov jartylaı fınalǵa deıin jetip, úshinshi oryn úshin aıqasta shyǵysqazaqstandyq Aıbek Nuǵymarovqa jol bergen bolatyn.

«Ersultan baýyrymyzǵa kólik syılap, at mingizgenim, ata dástúrdiń jalǵasy. Sondyqtan, mundaı balýandar qandaı da bolmasyn syılyqqa laıyq. Armanym osy qazaq kúresi Olımpıada oıyndaryna enip, qarapaıym aýyl balalary óz armandaryna qol jetkizse eken», - dedi týrnırge demeýshilik jasaǵan Oralbek Qojamjaruly balýanǵa kólik kiltin tabys etken soń.

Esterińizge sala keteıik, 1 shilde kúni Astana qalasyndaǵy «Barys-Arena» sport kesheninde ótken sport saıysyna elimizdiń barlyq óńirleri men respýblıkalyq deńgeıdegi qalalardan 37 balýan kúsh synasty. Aqtyq synda Erjan Shynkeev (Qaraǵandy) pen Erasyl Qajybaev (Ásker barysy) beldesip, qaraǵandylyq balýan «Qazaqstan Barysy» atanǵan edi.