«Qazaqstan Barysy» palýandaryn MMA aralas jekpe-jekke shaqyrýda
ASTANA. QazAqparat - MMA federatsııasy "Qazaqstan Barysy" palýandaryn aralas jekpe-jekte el namysyn qorǵaýǵa shaqyrýda. Bul týraly búgin Djıý-djıtsý federatsııasy men Qazaqstannyń MMA prezıdenti Anatolıı Kım málim etti.
"MMA sportynda Qazaqstan quramasy aýyr salmaqtaǵy sportshylardan tapshylyq kórip otyr. Olardyń sany sonshalyqty kóp emes. Mende "Qazaqstan Barysy" jobasynan jigitter qyzyǵýshylyq tanytsa, MMA sportyna kelýge shaqyrǵan bolatynmyn. Bul sóz joq tipti ózge format, erejeleri birshama qatal jáne jattyǵý mánerinde de aıyrma bar. Aralas jekpe-jekten chempıon atanýǵa barlyq múmkindikteri bar batyrlar bizde óte kóp. MMA arqyly olardyń aldyna barlyq sport túrleri shyǵady. Bizdiń sportta jekpe-jek sportynyń barlyq túrleri shoǵyrlanǵan, onyń ishinde qazaqsha kúres, boks jáne kıkboksıng te bar", - dep atap ótti ol.
"Aralas jekpe-jek sporty óte ámbebap sport bolǵandyqtan, jurtshylyq ony qyzyǵa qaraıdy. Ony bizdiń resmı jarystarymyzǵa sambo, qoıan-qoltyq urys, boks pen kıkboksıng, taıboks, kúres federatsııalarynan jigitter qatysýynan kórýge bolady. Sondyqtan MMA bizdiń palýandarymyzǵa jol ashady. Myqty palýandar Qazaqstanda jetkilikti, adamı resýrstar óte jaqsy, sporttyq baza bar, biz osyndaı chempıondarymyzǵa barlyq qarajatymyzdy jumsaıtyn bolamyz. Bolashaqta Fedor Emelıanenko syndy álemdik deńgeıdegi ulttyq batyrlar shyǵady dep esepteımiz", - dedi A. Kım.
Aıta keteıik, mamyrdyń 22-24 kúnderi Astanada MMA aralas jekpe-jekten Azııa chempıonaty men M-1 challenge 48 "Battle of Nomads" kásibı týrnıri ótkiziledi. Azııa birinshiliginiń aqtyq synyn Dúnıejúzilik MMA qaýymdastyǵynyń qurmetti prezıdenti Fedor Emelıanenko tamashalaýǵa keledi dep kútilýde.
Jarysqa Qazaqstan, Ońtústik Koreıa, Ózbekstan, Tájikstan, Qyrǵyzstan, Reseı, Ázerbaıjan, Iran elderiniń apaıtós sportshylary qatyspaq.
