«Qazaqstan Barysy» Marokkodaǵy Gran-Prıde medalsiz qaldy
ASTANA. QazAqparat - Qazaq kúresi boıynsha tanymal týrnır - «Qazaqstan Barysynyń» jeńimpazy Elaman Erǵalıev Marokkonyń Agadır qalasynda dzıýdodan ótken Gran-Prıde medalsiz qaldy, dep habarlaıdy «SPORTINFORM» SAA.
100 keliden artyq salmaqta óner kórsetetin Erǵalıev 1/8 fınalda slovenııalyq Vıto Dragıchýden jeńilip qaldy.
Qola júlde úshin ótken matchta sáıkesinshe Islam Bozbaev (90 kg) pen Vıktor Demıanenko (100 kelige deıin) qarsylastary belgııalyq Ioahıma Botto men nemis Karl-Rıhard Fraıǵa ese jiberdi.
Osylaısha, Marokkodaǵy Álem kýbogynda QR quramasy 1 altyn (Gýsman Qyrǵyzbaev), 1 kúmis (Erlan Serikjanov) jáne 1 qola (Bekádil Shaımerdenov) medal aldy.
