«Qazaqstan barysy»: kórermender kózaıymy júldesi taǵaıyndaldy
ASTANA. QazAqparat - Qazaqstanda tórtinshi jyl qazaq kúresinen biregeı sport jobasy - Ult Kóshbasshysy - Qazaqstan Respýblıkasynyń Prezıdenti N.Nazarbaevtyń júldesi úshin «Qazaqstan barysy» týrnıri júzege asyrylýda, dep habarlady Astananyń 16 jyldyǵyna arnalǵan merekelik sharalardy ázirleý jáne ótkizý jónindegi uıymdastyrý komıtetiniń medıa-shtaby.
Halyqtyq joba Astana kúnin merekeleý aýqymyndaǵy eldegi iri oqıǵalardyń tizbegin ashady.
«Bıylǵy jyly jobanyń fınaldyq kezeńi Qazaqstan elordasynyń 16 jyldyǵyn merekeleý aýqymynda Astanada ótedi. Týrnırdi tikeleı efırde ulttyq jáne sheteldik telearnalar kórsetedi. Sport jankúıerlerin Qazaqstannyń myqty palýandarynyń aıqasy tánti etedi: oǵan 33 palýan (ár oblystan jáne respýblıkalyq mańyzdaǵy eki qaladan 2-den) jáne «Qazaqstan Barysy - 2013» jeńimpazy - «Shyǵys Barysy» Aıbek Nuǵymarov fınaldyq jekpe-jekte kezdesedi. Ondaǵy bas júlde - «Taıtuıaq» jáne 150 myń dollar. Sonymen birge týrnırdi uıymdastyrýshylar kórermender kózaıymy júldesin taǵaıyndady. Palýandardyń ishinde qaısysy jańa avtomobılge qol jetkizetinin kórermender men jankúıerler ǵana anyqtaıdy», - delingen medıa-shtabtyń habarlamasynda.
«Qazaqstan Barysy» týrnıriniń basty qyzyǵy - «Altyn belbeý» men «taıtuıaq» qana emes, Hyundai Elantra avtomobıliniń qojaıyny kim bolatyny bolmaq.
«Qazaqstan Barysy» ulttyq dástúrler men qazaq halqynyń ózindik ereksheligin jalǵastyrýmen qatar, Qazaqstannyń ómirimen jáne dástúrlerimen tanysýǵa biregeı múmkindik beredi. Týrnırdiń 3 jyly ishinde Ulan Rysqul (2011 j.), Beıbit Ystybaev (2012 j.) jáne Aıbek Nuǵymarov (2013 j.) basty qaharmandary atandy.
«Qazaqstan Barysy-2014» 29 maýsymda «Saryarqa» velotreginde ótedi.
