«Qazaqstan barysy»: Búgin balýandardyń salmaǵy ólshenedi

Aıta keteıik, týrnırdiń aqtyq syndary erteń «Saryarqa» respýblıkalyq velotrek kesheninde ótedi. Bıyl fınalǵa 34 balýan shyqty. Olardyń ishinde ótken jyldyń júldegerleri - Ulan Rysqul men Beıbit Ystybaevtar bar. Osy joly jeńimpaz atanǵan balýanǵa «Qazaqstan barysynyń» belbeýi men 150 AQSh dollary kólemindegi syıaqymen birge qazaqtyń ejelgi sal-dástúri boıynsha «Altyn taıtuıaq» beriledi. Ony Qazaqstannyń Ulttyq banki arnaıy týrnır úshin quıyp bergen.  Sondaı-aq birinshi orynǵa demeýshilerdiń arnaıy syılyǵy - «Hundai Sonata» avtokóligi tabystalady. Týrnırdi tamashalaýǵa kelgen jankúıerler de qur qol qaıtpaıdy. Olardyń bıletteri boıynsha «Hundai Elantra» kóligi oınatylady.