Qazaqstan barysy: BQO palýandary nelikten jarystan shettetildi

ASTANA. QazAqparat – «Qazaqstan barysy» respýblıkalyq týrnırine batysqazaqstandyq sportshylar qatyspaıdy. Onyń sebebin «Qazaq kúresi» qaýymdastyǵy tóreshiler alqasynyń tóraǵasy Qaırat Pazylbek aıtyp berdi, dep habarlaıdy QazAqparat tilshisi.

«Oblystyq irikteý kezeńinde jarys erejesin óreskel buzý jáne sporttyq etıkany saqtamaý faktileri anyqtaldy. Atap aıtsaq, 9-10 mamyr aralyǵynda Syrym aýdany Jympıty aýylynda ótken irikteýde birqatar ereje buzý faktileri boldy. Buǵan deıin aýdandyq irikteýde jeńilgen Temirjan Kúlibaev Bórili aýdanynyń atynan kúresken. Sonymen qatar Nurymjan Ǵabbasov Syrym aýdany atynan kúresken. Ekeýi de buǵan deıingi irikteýde utylyp qalǵan. Olar Oral qalasynan irikteýge qatyspaqshy bolady. Týrnır erejesine sáıkes bir aýdannyń atynan qatysqan palýan basqa aýdannyń atynan qatysa almaıdy», - dedi Qaırat Pazylbek elordada ótken baspasóz máslıhatynda.

Onyń aıtýynsha, qazaq kúresi assotsıatsııasy atalǵan sportshylarǵa qatysty sheshim shyǵardy.

«Oǵan sáıkes erejeni buzǵan palýandar týrnırden shettetildi. Neshe jylǵa ekenin naqty bilmedim. Sheshim tek atalǵan eki palýanǵa qatysty emes, biraz sportshy jarystan shettetildi», - deıdi ol.

Buǵan deıin týrnır uıymdastyrýshylary jarysty ótkizýge bólingen qarjynyń jumsalý zańdylyǵyna túsinik bergen edi.