«Qazaqstan barysy» ataǵy úshin jarys uıymdastyrýdaǵy basty maqsat - qazaq kúresin buqaralyq sport túrine aınaldyrý - A.Shoraev
ASTANA. 12 naýryz. QazAqparat - «Qazaq kúresinen «Qazaqstan barysy» ataǵy úshin jarys uıymdastyrýdaǵy basty maqsat - atalmysh ulttyq sport túrin Qazaqstandaǵy №1 sport túrine aınaldyrý»,- deıdi atalmysh jarystyń uıymdastyrýshylary.
Bul týraly Qazaqstan Respýblıkasy Prezıdentiniń júldesi úshin uıymdastyrylatyn «Qazaqstan barysy» jarysynyń ekinshi kezeńiniń ashylýyna baılanysty ótken baspasóz máslıhatynda osy jarystyń uıymdastyrýshylary málim etti.
«Qazaq kúresi halqymyzdyń júzdegen jyldardan beri kele jatqan kóne dástúrleriniń biri. Ókinishke qaraı, bul ıgi dástúr sońǵy jyldary tek ulttyq merekelermen baılanysty toı-jıyndarda ǵana uıymdastyrylatyn oıyn-saýyqtyń bir túrine aınalyp bara jatty desek artyq aıtqandyq emes. Bizdiń maqsatymyz - osy joǵalyp bara jatqan dástúrimizdi keńinen nasıhattaı otyryp, ony eldegi nómiri birinshi sport túrine aınaldyrý»,- deıdi «KTK» telearnasynyń Bas dırektory, «Qazaqstan barysy» jobasynyń avtory - Arman Shoraev.
Onyń sózinshe, ótken jylǵy «Qazaqstan barysy» ataǵy úshin qazaq kúresinen uıymdastyrylǵan jarys sátti ótip, qyzylordalyq Ulan Rysqul 150 myń AQSh dollaryn jeńip aldy. «Qazaq kúresi Memleket basshysynyń sózimen aıtsaq, áleýmettik lıftiniń biri. Óıtkeni onyń elimizdiń jas ulandaryn sportqa baýlyp, zııandy ádetterden ada, elin, jerin qorǵaı alatyn, nar tulǵaly azamat bolyp ósýlerine yqpal etetin tárbıelik máni de bar. Biz osy jarysty uıymdastyra otyryp, jaqsy nátıjege qol jetkizdik. «Qazaqstan barysy» jarysynan soń eldegi sporttyq úıirmelerdegi qazaq kúresi sektsııalaryna kelýshi jastar sany kúrt artty. ıAǵnı bizdiń qazaq kúresin buqaralyq sport túrine aınaldyrý maqsatyndaǵy josparlarymyzdyń bastapqy kezeńderi iske asty»,- dedi A.Shoraev.
