«Qazaqstan Barysy»-2018: Shırek fınalǵa segiz balýan shyqty

ASTANA. QazAqparat - Astanadaǵy «Barys Arena» sport kesheninde ótip jatqan «Qazaqstan Barysy» VIII Respýblıkalyq týrnıriniń shırek fınalyna segiz balýan shyqty, dep habarlaıdy QazAqparat tilshisi.

Olar - Aıbek Nuǵymarov,  Dáýren Nuralınov, Maqsat Isaǵabylov, Erjan Shynkeev,  Erasyl Qajybaev,  Elaman Erǵalıev, Ersultan Muzapparov, Nurym Sálimgereev bastaǵan apaıtós balýandar shyqty.

Al 1/4 fınaldyq kezdesýlerde Aıbek Nuǵymarov pen Dáýren Nuralınov, Maqsat Isaǵabylov pen Erjan Shynkeev, Erasyl Qajybaev pen  Elaman Erǵalıev jáne Ersultan Muzapparov pen Nurym Sálimgereev beldesedi.

Aıta keteıik, «Qazaqstan Barysy» týrnıriniń júlde qory da qomaqty. Jeńimpaz atanǵan balýanǵa altyn belbeý men altynnan quıylǵan «taıtuıaq» tabystalady. Ekinshi jáne úshinshi orynǵa sáıkesinshe kúmis jáne qola belbeý tapsyrylmaq. Ár beldesýdegi jeńis úshin balýandar 100 myń teńgeni qanjyǵasyna baılaıdy. ІІІ oryn alǵan balýanǵa 1,8 mln teńge, al onyń bapkerine 900 myń teńge tabystalady. Al ІІ oryn úshin 5,5 mıllıon teńge, onyń bapkerine 1,8 mln teńge berilmek. Týrnırde top jarǵan birinshi oryn ıegeri 25 mln teńgege ıe bolady. Al onyń bapkerine 3,5 mln teńge tapsyrylady.