«Qazaqstan Barysy»-2018: Eń aýyr balýannyń esimi anyqtaldy
ASTANA. QazAqparat - Búgin, ıaǵnı 1 shilde kúni «Barys Arena» sport kesheninde qazaq kúresinen ótetin «Qazaqstan Barysy» respýblıkalyq týrnırinde baq synaıtyn balýandar arasyndaǵy eń aýyr salmaqtaǵy balýannyń esimi anyqtaldy, dep habarlaıdy QazAqparat tilshisi.
Búgin «Han Shatyr» oıyn-saýyq saýda ortalyǵynda ótken balýandardyń salmaq ólsheý rásiminde áskerıler arasyndaǵy irikteýden súrinbeı ótip, «Qazaqstan Barysyna» túńǵysh ret qatysqaly otyrǵan Erasyl Qajybaevtyń tarazydaǵy taza salmaǵy 151 kelini kórsetip, osy týrnırge qatysqaly otyrǵan eń aýyr salmaqtaǵy balýan atandy. Ekinshi aýyr salmaqtyń ıegeri ótken jyly osy týrnırdiń chempıony atanǵan Elaman Erǵalıev boldy. Onyń tarazydaǵy taza salmaǵy 145 kelini kórsetti. Úzdik úshinshi aýyr salmaqtaǵy balýan shyǵystyń shymyr jigiti Aıbek Nuǵymarov atandy. Onyń salmaǵy 142 keli boldy.
Bıylǵy týrnırdegi asa aýyr salmaqta beldesetin eń aýyr 10 balýandy nazarlaryńyzǵa usynamyz:
1. Erasyl Qajybaev 151 kg
2. Elaman Erǵalıev 145 kg
3. Aıbek Nuǵymarov 142 kg
4. Erjan Dúısenbekov 141 kg
5. Ulan Rysqul 137 kg
6. Dáýren Nuralınov 135 kg
7. Kúnálem Erjanov 134 kg
8. Bıbarys Ábdiǵanı133 kg
9. Erjan Shynkeev 131 kg
10. Aıtýar Abdýlov 130 kg
