«Qazaqstan Barysy- 2016»: Beıbit Ystybaevtyń fınaldaǵy qarsylasy Jumanazar Ersultanov!
ASTANA. QazAqparat - Astanada tórinde Ult Kóshbasshysy - Qazaqstan Respýblıkasynyń Prezıdenti Nursultan Ábishuly Nazarbaevtyń júldesi úshin «Qazaqstan Barysy» respýblıkalyq týrnıri ótip jatyr.
«Qazaqstan Barysy» respýblıkalyq týrnıriniń fınalısteri anyqtaldy. Onyń biri - osyǵan deıin «Qazaqstan Barysynyń» eki dúrkin chempıony jambyldyq Beıbit Ystybaev. Ekinshisi - Ońtústik Qazaqstan oblysynyń ókil 2013 jylǵy «Qazaqstan Barysynyń» qola júldegeri Jumanazar Ersultanov. Esterińizge sala keteıik, 2013 jyly úshinshi oryn úshin beldesýde Ystybaev pen Jumanazardyń joldary túıisken bolatyn. Alaıda belgisiz sebepterge baılanysty Beıbit beldesýge shyqpaı qalyp, qola belbeýdi Jumanazar ıelengen edi.
