«Qazaqstan Barysy-2015»: Júldeden úmitker tórt palýan belgili boldy
ASTANA. QazAqparat - Astanadaǵy «Saryarqa» velotreginde ótip jatqan Ult kóshbasshysy - Qazaqstan Respýblıkasynyń Prezıdenti N.Á.Nazarbaevtyń júldesi úshin qazaq kúresinen «Qazaqstan Barysy» V respýblıkalyq týrnıri boıynsha jartylaı fınalǵa shyqqan tórt palýan aıqyndaldy.
Eske sala keteıik, aıtýly dodany QR Prezıdenti Nursultan Nazarbaev tamashalaýda. Birinshi kezdesýde boz kilemge qaraǵandylyq Erjan Shynykeev pen Rýslan Ábdirazaqov shyqqan bolatyn. Ekeýi de asa tájirıbeli, osy týrnırler barysynda biri qola, biri kúmis júldeger atanǵan palýandar. Degenmen, tartysty kezdesý barysynda Rýslan Ábdirazaqov naǵyz babynda ekenin dáleldedi. Al ótken jyly kúmis júldeger atanǵan Asyl Bármenov te shırek fınaldan asa almaı qaldy. Ol eń aýyr salmaqtaǵy palýan Jumanazar Ersultanovpen jekpe jekte aılasyn asyra almady. Al Erlan Omarov pen Ǵanı Seıdildaev arasynda eki palýan birin-biri ala almaı, qosymsha beldesýde Seıdildaev jartylaı fınalǵa shyqty.
Al Beıbit Ystybaev pen Nurym Sálimgerev negizgi ýaqytta esh upaı enshileı almady. Al qoıan-qoltyq beldesýde Beıbit Ystybaev basymdyq tanytty.
