«Qazaqstan Barysy-2015»: Shırek fınaldyń palýandary anyqtaldy
ASTANA. QazAqparat - Astanada Ult kóshbasshysy - Qazaqstan Respýblıkasynyń Prezıdenti N.Á.Nazarbaevtyń júldesi úshin ótip jatqan qazaq kúresinen «Qazaqstan Barysy» V respýblıkalyq týrnıri boıynsha shırek fınalǵa shyqqan palýandar aıqyndaldy.
Atap aıtqanda, shırek fınalǵa qaraǵandylyq Erjan Shynykeev, byltyrǵy «Qazaqstan Barysynyń» qola júldegeri Asyl Bármenov, qyzylordalyq barys Rýslan Ábdirazaqov, salmaǵy eń aýyr palýan shymkenttik Jumanazar Ersultanov, Qostanaı oblysynyń palýany Erlan Omarov, Ǵanı Seıdildaev, respýblıkalyq týrnırge alǵash ret qatysyp otyrǵan Nurym Sálimgereev pen Beıbit Ystybaev shyqty.
Aıta keterligi, ekinshi aınalym barysynda eń qyzý tartys 2012 jylǵy «Qazaqstan Barysy» Beıbit Ystybaev pen 2014 jylǵy chempıon Muhıt Tursynovtyń arasynda ótti. Eki barys byltyrǵy jyly shırek fınalda kezdesip, Muhıt Tursynov aılasyn asyrǵan bolatyn. Bul joly Beıbit Ystybaev óziniń naǵyz babynda ekenin kórsetti. Eske sala keteıik, «Qazaqstan Barysy» V respýblıkalyq týrnıriniń júlde qory 225 000 AQSh dollaryn quraıdy. Onyń ishinde 35 myń AQSh dollary sportshylardyń jattyqtyrýshylaryna taǵaıyndalǵan. Júlde qory tómendegideı: 1-oryn - 150 myń AQSh dollary; 2-oryn - 30 myń AQSh dollary; 3-oryn - 10 myń AQSh dollary.
