«Qazaqstan Barysy-2015» fınalynyń bıletteri satylymǵa tústi
ASTANA. QazAqparat - Shildeniń 4 kúni qazaq kúresinen Ult Kóshbasshysy - Qazaqstan Respýblıkasynyń Prezıdenti N.Á.Nazarbaevtyń júldesi úshin «Qazaqstan Barysy» týrnıriniń fınaldyq beldesýleri ótedi. Jalpyulttyq joba aıasyndaǵy osy dástúrli týrnırdiń bıletteri satylymǵa tústi.
Bul týraly «Qazaqstan Barysy» qazaq kúresin damytý qorynyń baspasóz qyzmeti habarlady.
Tól kúresimizden osymen besinshi ret uıymdastyrylatyn aqtyq synǵa jyl saıyn 8 mıllıonǵa jýyq jankúıer qyzyǵýshylyq tanytyp otyr. Ári bul tyń bastama Astana kúnine oraı uıymdastyrylatyn túrli merekelik mádenı-sporttyq sharalardyń shıelenisti uıytqysy bolady.
Týrnırdiń erejesine saı ár oblystyń, sondaı-aq Astana jáne Almaty qalalarynyń atynan eki balýan qatysady. Fınaldyq jarysqa deıin úsh kezeńdik irikteý syndary ótti (aýyl, aýdan, oblys). Aqtyq synǵa shyqqandardyń ishinde esimi elge tanys birneshe balýandar bar: Beıbit Ystybaev («Qazaqstan Barysy» 2012), Aıbek Nuǵymarov («Qazaqstan Barysy» 2013), Muhıt Tursynov («Qazaqstan Barysy» 2014), Nurlan Jamalov, Baqtybaı Qısyqov, Aleksandr Kasachev, Erjan Shynkeev, Asyl Barmenov, Rýslan Abdyrazaqov, Maksım Gerber, Meırambek Jańabaı, Jumanazar Ersultanov, Rústem Jumaev, Baqyt Ysmaǵulov, Ǵanı Seıdildaev. Al, bul ataqty balýandarmen birge «Qazaqstan Barysy» týrnıriniń fınaldyq synyna tuńǵysh ret shyqqan jańa esimder bar.
Bıletterdiń quny: 1000, 3000, 5000 teńge. Sondaı-aq, satylǵan bıletter arqyly júlde oınatylady. Bas júlde - avtokólik! Bıletter Astana qalasyndaǵy kassalarda jáne «Meloman» dúkender jelisinde satylady. Kúnsultan Otarbaı
