«Qazaqstan Barysy-2012» jeńimpazy Beıbit Ystybaev «Alem Barysy»-na ázirligi qandaı ekenin aıtty
TARAZ. QazAqparat - Qazaqsha kúresten «Qazaqstan barysy-2012» respýblıkalyq týrnıriniń jeńimpazy, «Eýrazııa barysy-2013» I halyqaralyq týrnırdiń jeńimpazy jambyldyq sportshy Beıbit Ystybaev álemdik deńgeıdegi jarysqa daıyndyq ústinde.
«Kóńil-kúıim jaqsy. Jerlesterimniń qoldaýyn sezinemin, tıisti deńgeıde daıyndalyp jatyrmyn. Árıne, bárin rıngtegi doda sheshedi, biraq men de sońyna deıin tyrysamyn», - dedi B.Ystybaev «Alem Barysy»-na qatysýshylar jınalyp jatqan Pavlodar qalasynda.
Eske salsaq, 25 qazanda Qazaqstanda alǵash ret qazaqsha kúres boıynsha «Alem Barysy» halyqaralyq týrnıri ótedi. Pavlodarda 90 keli salmaq sanatyndaǵy palýandar synǵa túsedi, jarysqa álemniń 30-dan astam elinen sportshylar qatyspaq. Týrnırdiń jalpy júlde qory 150 myń dollardy quraıdy. Jaqynda «Alem Barysy» týrnırinde Qazaqstannyń namysyn qorǵaıtyn palýandardyń esimderi belgili boldy. Oǵan jambyldyq Beıbit Ystybaevtan basqa «Qazaqstan barysy-2013» jeńimpazy shyǵysqazaqstandyq Aıbek Nuǵymarov, «Qazaqstan barysy-2014» týrnıriniń kúmis júldegeri qaraǵandylyq Asyl Bármenov jáne qola júldeger qyzylordalyq Rýslan Ábdirazaqov. Jambyl oblystyq sport basqarmasynan habarlaǵandaı, 90 keliden astam salmaqta básekege túsetin Beıbit Ystabaev Pavlodardaǵy «Alem Barysy» týrnırine ǵana emes, Tarazda josparlanǵan «Eurasia Barysy» ІІ halyqaralyq týrnırine de qatysýǵa nıetti.
