«Qazaqstan Barysy — 2025» týrnırine qatysatyn balýandar salmaq ólshedi

ASTANA.KAZINFORM — «Qazaqstan Barysy — 2025» respýblıkalyq týrnırine qatysatyn balýandar búgin Astana qalasyndaǵy «Damu Mall» saýda ortalyǵynda salmaq ólsheý rásiminen ótti. 

«Қазақстан Барысы — 2025» турниріне қатысатын балуандар салмақ өлшеді
Фото: Солтан Жексенбеков / Kazinform

Atalǵan sharada bıylǵy jarysqa qatysatyn 43 balýan kópshiliktiń aldynda tarazyda turyp, sportshylardyń salmaǵy tirkeldi.

Qazaqstan barysy
Foto: Soltan Jeksenbekov / Kazinform

Osyǵan deıin habarlaǵanymyzdaı, 14-shi márte alaýy tutanǵaly otyrǵan fınaldyq jarys 18 qazan kúni elorda tórindegi Jaqsylyq Úshkempirov atyndaǵy jekpe-jek saraıynda ótedi.

Qazaqstan barysy
Foto: Soltan Jeksenbekov / Kazinform

Týrnırge elimizdiń barlyq oblysy men iri qalalaryndaǵy irikteý kezeńderiniń jeńimpazdary qatysady. Sonymen qatar ótken jylǵy «Qazaqstan Barysy — 2024» týrnıriniń jeńimpazy Erasyl Qajybaev jáne «Ásker Barysy» saıysynan eki sportshy dodaǵa qosylady.

Qazaqstan barysy
Foto: Soltan Jeksenbekov / Kazinform

Bıylǵy týrnırdiń jalpy júlde qory 27 000 000 teńge. 1-oryn úshin — 15 000 000 teńge. 2-oryn úshin — 3 300 000 teńge. 3-oryn úshin — 1 080 000 teńge. Sonymen qatar, ár jeńiske jetken beldesýi úshin balýanǵa 100 000 teńge beriledi.

Esterińizge sala keteıik, osyǵan deıin «Qazaqstan Barysy — 2025» týrnırine qatysatyn 43 balýannyń esimin jarııalaǵan edik.

Сейчас читают