«Qazaqstan Barysy – 2025»: shırek fınalda kúresetin balýandar belgili boldy

ASTANA. KAZINFORM – Astanadaǵy Jaqsylyq Úshkempirov atyndaǵy jekpe-jek saraıynda ótip jatqan qazaq kúresinen «Qazaqstan Barysy – 2025» týrnıriniń shırek fınalyna joldama alǵan balýandar anyqtaldy.

Úshinshi aınalymda bozkilemdegi tartys qyza tústi. 16 balýan kelesi aınalym úshin baryn salyp, jeńimpazdar anyqtaldy.

1/8 fınalyna joldama alǵan balýandar:

1. Erasyl Qajybaev (Abaı oblysy)

2. Nursultan Qojageldiudy (Shymkent qalasy)

3. Ádil Orazbaev (Ásker barysy)

4. Nurdáýlet Jarylǵapov (Mańǵystaý oblysy)

5. Marat Baıqamýrov (Ásker barysy)

6. Beıbarys Ábdiǵanı (Túrkistan oblysy)

7. Erasyl Amangeldi (Aqtóbe oblysy)

8. Erqanat Moldaǵulov (Qaraǵandy oblysy)

Aıta keterligi, 2024 jylǵy «Qazaqstan barysy» Erasyl Qajybaev úshinshi beldesýinde qarysasyn qapy qaldyryp, shırek fınalda Shymkent qalasynyń ókili Nursultan Qojageldiulymen jartylaı fınal úshin beldesedi.

Al bıylǵy týrnırdi basty favarıtteriniń biri Nurdáýlet Jarylǵapovte úshinshi aınalymǵa surinbeı jetti, onyń kelesi qarsylasy ásker barysy Ádil Orazbaev.

Osyǵan deıin habarlaǵanymyzdaı, «Qara býra» laqap atymen tanymal Nurdáýlet Jarylǵapov tarazyda 167 keli kórsetip, týrnırdegi salmaǵy eń aýyr balýan atanǵan bolatyn. 

Sonymen qatar Nurdáýlet Kazinform tilshisine suhbat berip, bıylǵy dodadaǵy basty maqsatymen bólisti.