«Qazaqstan Barysy-2024»: Úzdik 16 balýan anyqtaldy

ASTANA. KAZINFORM – Astana qalasynda Respýblıka kúnine oraı qazaq kúresinen ótip jatqan «Qazaqstan barysy-2024» respýblıkalyq týrnıriniń 1/8 fınalǵa shyqqan úzdik 16 balýan belgili boldy.

Dál qazirgi ýaqytqa deıin 26 balýan jarysty aıaqtap, úzdik TOP-16-ǵa engen balýandardyń esimi belgili boldy.

Olar:

Mádı Edilbaev (Almaty oblysy), Saıat Shamshıev (Abaı obl.), Qaısar Shamshıdınov (Túrkistan obl.), Erasyl Nuǵumat (Ulytaý obl.), Mýhtar Dalelhanýly (Pavlodar obl.), Nurdáýlet Jarylǵapov (Mańǵystaý obl.), Marat Baıkamýrov (Ásker barysy), Erasyl Qajybaev (Abaı obl.), Erasyl Qajybaev (Abaı obl.), Ersultan Muzapparov (Shymkent q.), Aıbek Serikbaev (Qyzylorda obl.), Óris Adıban (Almaty obl.), Adıl Orazbaev (Ásker barysy), Ǵalymjan Qyryqbaı (Ásker barysy), Maqsat Isaǵabylov (Qyzylorda obl.), Nurdáýlet Aısaǵalıev (Astana q.).

Endi sálden keıin shırek fınalǵa shyqqan balýandar belgili bolady.

Atalǵan týrnırdiń jeńimpazyna - 15 000 000 teńge berilse, 2-oryn alǵan sportshy - 3 300 000 teńgege ıe bolady. Al 3-orynǵa qol jetkizgen balýan 1 080 000 teńge kóleminde syıaqy alady. Sonymen qatar ár balýan ár beldesýde jeńiske jetkeni úshin taǵy 100 000 teńgeden alyp otyrady.

Jalpy «Qazaqstan barysy-2024» respýblıkalyq týrnırdiń júlde qory 27 100 000 teńge. Atalǵan týrnırde jeńiske jetken balýandardyń bapkerleri de syıaqysyz qalmaıdy. 3 720 000 teńge sportshylardyń jattyqtyrýshylaryna beriledi.

Atalǵan iri doda 26 qazan kúni «Barys-Arena» stadıonynda ótip jatyr.

Esterińizge sala ketsek, osyǵan deıin atalǵan týrnırde baq synap jatqan balýandar arasynda eń aýyr, eń jeńil, eń jas, eń jasy úlken, eń úzyn jáne eń qysqa boıly balýandar týraly jazǵan edik.