Qazaqstan bankteriniń arasyndaǵy ıýan saýdasy bir aıda 133 ese artqan

ASTANA. KAZINFORM – Birinshi kredıttik bıýro Qazaqstan bankteriniń arasyndaǵy ıýan saýdasy bir aıda 133 ese artqanyn málim etti.

- Qarasha aıynyń qorytyndysy boıynsha bırjadan tys naryqta rezıdent bankter arasyndaǵy altyn valıýtany satyp alý/satý operatsııalarynyń kólemi 1,35 mlrd ıýan boldy. Buǵan rezıdent emes tulǵalardyń satý, satyp alý operatsııalaryn qossa, saýda kólemi 1,45 mıllıard ıýange jetedi, - dep jazylǵan saraptamada.

Naqty bir aıdyń kórsetkishin jeke alyp qarasaq, kórsetkish 133 ese ósken. Bir aıdyń ishinde osynsha qarqynnyń baıqalýyna qazan aıyndaǵy ıýan saýdasynyń mardymsyz bolýy sebep bolyp otyr. Jalpy 11 aıdyń kórsetkishterin alyp qarasaq, sonyń jeti aıynda ıýan saýdasy nólge jaqyn belgilerde saqtaldy.

-Bıylǵy qarasha aıynyń kórsetkishi 2019 jyldan beri tirkelgen ekinshi úlken soma. Buǵan deıin 2024 jyldyń shildesinde Qazaqstan bankteriniń arasyndaǵy ıýan saýdasynyń kólemi 1 mıllıard ıýandik mejeden asqan bolatyn, - dep jazady Birinshi kredıttik bıýro sarapshylary. 

Osyǵan deıin Ulttyq banktiń qarashadaǵy Aqsha-kredıt saıasaty týraly baıandamany jarııalaǵany týraly jazdyq.