Qazaqstan bankterine Reseı rýblin elden shyǵarýǵa ruqsat berildi

ASTANA. QazAqparat - El Úkimetiniń 2022 jylǵy 28 jeltoqsandaǵy № 1079 qaýlysymen ekinshi deńgeıli bankterge qolma-qol Reseı rýblin bir rettik tártippen Qazaqstannan áketýge ruqsat etildi, dep habarlaıdy QazAqparat.

Ulttyq banktiń málimetinshe, atalmysh qaýly qol qoıylǵan kúnnen bastap kúshine enedi jáne kúntizbelik alpys kún ishinde qoldanysta bolady.

Qolma-qol rýbldi qolma-qol aqshasyz nysanǵa konvertatsııalaý jáne bankterdiń korrespondenttik shotyn toltyrý maqsatynda ruqsat engiziledi.

Bul rette Ulttyq bank búginde ekinshi deńgeıli bankterde bank shotyn, tólem kartochkalaryn, sondaı-aq elektrondyq ámııandardy paıdalana otyryp qolma-qol aqshasyz tólem men aqsha aýdarymyn júrgizý úshin, qolma-qol Reseı rýbliniń jınaqtalý táýekelin barynsha azaıtýǵa múmkindik beretin áralýan arnalar men quraldardyń bar ekenine nazar aýdartady.

Qaýlynyń tolyq mátinimen Qazaqstan Respýblıkasy normatıvtik quqyqtyq aktileriniń etalondyq baqylaý bankinde tanysýǵa bolady.