Qazaqstan bankterinde depozıtter kólemi ulǵaıdy

NUR-SULTAN. QazAqparat – Qazaqstanda sáýirdiń sońynda depozıtter kólemi valıýtadaǵy jáne sol sııaqty teńgedegi salymdardyń ósýi esebinen jyl basynan beri 3,3%-ǵa ulǵaıyp, 19,6 trln teńgege jetti, dep habarlaıdy QazAqparat tilshisi.

«Bıyl sáýirdiń sońynda depozıtter kólemi valıýtadaǵy jáne sol sııaqty teńgedegi salymdardyń ósýi esebinen jyl basynan beri 3,3%-ǵa ulǵaıyp, 19,6 trln teńge boldy. Ulttyq valıýtadaǵy salymdar 2,8%-ǵa (nemese

301 mlrd teńgege), shetel valıýtasyndaǵy salymdar – 4,0%-ǵa (nemese 328 mlrd teńgege) ósti. Baǵamdy qaıta baǵalaýdy eskermegende, valıýtalyq salymdar 6,3%-ǵa nemese 1,3 mlrd AQSh dollaryna tómendedi», - dedi Ulttyq bank tóraǵasy Erbolat Dosaev Úkimet otyrysynda.

Osynyń nátıjesinde depozıtterdiń dollarlaný deńgeıi sáýirde 43,4% (2019 jylǵy jeltoqsanda 43,1%) bolǵan. Osy jylǵy mamyrda depozıtterdiń dollarlanýy 29 mamyrdaǵy baǵalaý boıynsha 41,8%-ǵa deıin tómendegen.