Qazaqstan bankteri qurylys kompanııalaryna senbeıdi
ASTANA. QazAqparat - Qazaqstan bankteri qurylys salasyndaǵy óz ustanymdaryn ózgertýde, kredıtorlardy berilgen qaryzdardyń tólenbeı jatqandyǵy alańdatýda, dep habarlaıdy energyprom.kz .
2017 jyldyń naýryz aıynyń sońynda qurylys salasyndaǵy banktik nesıeler kólemi 961,3 mlrd teńgeni quraıdy nemese ótken jylmen salystyrǵanda 3,8%-ke az. Sońǵy úsh jylda osy saladaǵy qaryzdardyń kólemi 34%-ǵa qysqardy.
Alaıda, osyndaı nesıe qarjysynyń edáýir qysqarýyna qaramastan aǵymdaǵy jyly qurylystyń qarqyny rekordtyq kórsetkishke jetkeni baıqalady. 2017 jyldyń qańtar-naýryz aralyǵynda Qazaqstanda 305 jańa kóppáterli úıler paıdalanýǵa berildi. Bul ótken jylǵa qaraǵanda 35%-ke kóp jáne 5 jyl burynǵy kórsetkishpen salystyrǵanda 53%-ke artyq.
2015 jyly, bankter óz balanstaryn aýqymdy túrde tazalaý jumystaryn júrgizgen kezde, qurylys kompanııalarynyń nesıeler boıynsha merzimin keshiktirgen qaryzdar deńgeıi qańtar aıynda 26,4%-ke tómendep, jyl sońyna deıin 7,5%-ke deıin qulady.
Alaıda, 2016 jyldyń ekinshi jartysynda bul nesıelerdiń kólemi odan saıyn tómendep, aǵymdaǵy jyldyń naýryz aıynyń sońynda qurylys salasyndaǵy qaryzdar deńgeıi 12%-ke ósken.
Nesıeleýdiń ary qaraı qysqarýy bıyl bastaý alǵan «Nurly jer» baǵdarlamasynyń júzege asyrylýyn báseńdetýi múmkin.
