Qazaqstan bankteri avtonesıe ótinimderin jıirek maquldaıtyn bolǵan

ASTANA. KAZINFORM — Avtonesıe naryǵynda tıimdi usynystar kóbeıip keledi. Qazaqstan qarjygerler qaýymdastyǵynyń 2024 jylǵy nesıe naryǵyna jasaǵan sholýynda osyndaı derek aıtylady.

— Keıingi 3 jylda maquldanǵan avtonesıe ótinimderiniń úlesi ósip keledi (2022 jyly — 11%, 2023 jyly — 16%, 2024 jyly — 17%). Bul naryqta básekeniń óskenin kórsetedi. Ekinshi deńgeıli bankter men avtosalondar arasyndaǵy áriptestikti artyp, óndirýshiler men dılerlerdiń usynystary tıimdi bola tústi. 2024 jyly ıpoteka boryshynyń ótinimderin maquldaý dınamıkasy da artty 2023 jylǵy 30%-dan 2024 jyly deıin ósti, — dep jazylǵan qaýymdastyqtyń saraptamasynda.

Maqala avtorlary bankter nesıe ótinimderin irikteýde bosańdyqqa jol bergenin aıtady.

— Ótinimderi sapaly irikteý tólemi keshiktirilgen nesıelerdiń úlesinen kórinis taýyp jatyr. 2025 jyldyń 1 qańtaryndaǵy jaǵdaı boıynsha keshiktirilgen nesıelerdiń halyq sanyna shaqqandaǵy úlesi 2,9% boldy (bir jyl buryn kórsetkish 2,4% bolǵan edi). Onyń ishinde keshiktirilgen tutyný nesıeleriniń úlesi 3,9% (2024 jyldyń 1 qańtarynda — 3,2%) ıpotekalardaǵy úlesi 0,3% (2024 jyldyń 1 qańtarynda — 30,5%), — dedi dep jazady qaýymdastyq sarapshylary.

Buǵan deıin eldegi avtosalondar birinen soń biri 4 paıyzdyq nesıe baǵdarlamalaryn jarııalap jatqanyn jazǵan edik.