Qazaqstan Bangladeshke - áskerı jabdyq, Italııaǵa - akkýmýlıator ótkize bastady

NUR-SULTAN. QazAqparat - Saýda jáne ıntegratsııa mınıstrligi taıaýda otandyq ónimder jańa naryqty jaýlaıtynyn aıtty, dep habarlaıdy QazAqparat.

Mınıstrlikte ótken jıynda Baqyt Sultanov ótken jylǵy jumys qorytyndylary jáne 2020 jylǵa arnalǵan josparlar týraly baıandama jasady.

Álemdik saýdanyń transformatsııasy jáne álemniń iri ekonomıkalary arasyndaǵy protektsıonıstik sharalardyń kúsheıýi jaǵdaıynda syrtqy saýda saıasatyn jetildirýdiń qajettiligi artyp keledi.

«Osyǵan baılanysty mınıstrlik búgingi syn-qaterlerdi eskere otyryp, eksportty jyljytý ortalyq mindet sanalatyn saýda saıasatyn modernızatsııalaýǵa shoǵyrlandyrdy. Osy maqsatta qazaqstandyq eksporttaýshylarǵa marketıngtik qoldaý kórsetildi. Mınıstrlik jumys istegen alty aı ishinde shetelde 300-ge jýyq qazaqstandyq kompanııalardyń qatysýymen 50-den astam is-sharalar ótkizildi. Bıznes-is-sharalardyń nátıjesi - 114 mlrd teńgeden astam somaǵa nemese 270 mln dollardan astam 63 eksporttyq kelisimshart» delingen habarlamada.

Qazaqstandyq ónimderdiń eksportyn jyljytý, saýda yntymaqtastyǵyn damytý jáne mámileler jasasý boıynsha yntymaqtastyqty nyǵaıtý maqsatynda Syrtqy ister mınıstrligimen birlesken is-sharalar jospary jasaldy.

«Biz bul tetikter óndiris qunyn 5-10% tómendetedi, sonymen qatar eksport geografııasy men taýarlar túrin keńeıtedi dep úmittenemiz. Máselen, jańa naryqtar paıda boldy. Alǵash ret áskerı tehnıka Bangladeshke, al akkýmýlıatorlar Italııaǵa jetkizildi», -dep atap ótti saýda jáne ıntegratsııa mınıstri.