Qazaqstan balýany grek-rım kúresinen Túrkııada ótken halyqaralyq týrnırde qola medal jeńip aldy
ALMATY. 31 qańtar. QazAqparat /Erlik Erjanuly/ - 29-30 qańtar kúnderi Túrkııanyń Ystambul qalasynda eresekter arasynda "Vehbı Emre" halyqaralyq týrnıri ótti.
Onda bapkerler Ábdirahman Arqarbekov pen Serik Qaldyǵulov bastap alyp barǵan 14 sportshy el namysyn qorǵaǵan bolatyn. Olardyń arasynan 74 kelide 2010 jylǵy jasóspirimder arasyndaǵy Azııa chempıony Maqsat Erejepov qola júldeger atandy. Ol úshinshi oryn bolǵan beldesýde vengr Pıter Bashydan basym tústi. Komandalyq esepte 4 altyn, 1 kúmis, 4 qola medal jeńip alǵan jarys qojaıyndary úzdik shyqty. Odan keıingi oryndy Ázirbaıjan, Iran, Vengrııa, Belarýs, Horvatııa, Qazaqstan, Estonııa jáne Ýkraına quramalary ózara bólisti.
