Qazaqstan balýandary kúresten álem chempıonatyn bes medalmen qorytyndylady
ASTANA. KAZINFORM - Astanada ótken kúresten 2026 jylǵy álem chempıonatynda Qazaqstan balýandary bes medal (bir kúmis jáne tórt qola) jeńip aldy.
Dúbirli dodada el quramasynan Nurqoja Qaıpanov (erkin kúres, 74 keli) qorjynǵa saldy. Qolaǵa Ishar Qurbaev (grek-rım kúresi, 55 keli), Aıdos Sultanǵalı (grek-rım kúresi, 60 keli) jáne Baǵdat Sabaz (grek-rım kúresi, 67 keli) pen Zeınep Baıanova (áıelder kúresi, 50 keli) ıe boldy.
Medaldyq esepte Qazaqstan 15-oryn aldy. Týrnır jeńimpazy bolǵan AQSh quramasy 15 medal (jeti altyn, eki kúmis jáne alty qola) jeńip aldy. Ekinshi oryndy qorjynyna 15 medal túsken Iran quramasy alty altyn, tórt kúmis jáne bes qola enshiledi. Úshinshi orynǵa 14 medal (tórt altyn, úsh kúmis jáne jeti qola) alǵan Reseı quramasy jaıǵasty.
Bastapqyda álem chempıonatyn byltyr ótkizý quqyǵyna ıe bolǵan Manama qalasy uıymdastyrýy tıis edi. Alaıda UWW men Bahreın kúres federatsııasy birlesken málimdeme jasap, týrnırdiń basqa elge aýystyrylǵanyn habarlady.
Inspektsııalyq saparlar men sport nysandarynyń daıyndyǵyn baǵalaý qorytyndysy boıynsha álem chempıonatyn ótkizý quqyǵy Qazaqstanǵa berilgen.
Aıta keteıik, Qazaqstan astanasy buǵan deıin de 2019 jyly kúres túrlerinen álem chempıonatyn ótkizgen bolatyn.
