Qazaqstan balmuzdaqty Túrkııa men Frantsııadan satyp alady, al óz ónimin kórshilerine eksporttaıdy

ASTANA. QazAqparat - Qazaqstanda túrik, frantsýz jáne shveıtsarııalyq balmuzdaq suranysqa ıe, dep habarlaıdy QazAqparat.

Memlekettik kirister komıteti tátti desert – balmuzdaqqa baılanysty qyzyqty faktilerdi bólisti.

Qańtar-sáýir aılarynda Qazaqstan 910,8 myń AQSh dollary somasyna salmaǵy 234,2 tonna balmuzdaq eksporttady.

Úshinshi elderden (EAEO-ǵa kirmeıtin elder) 1 852,9 myń AQSh dollary somasyna 432,8 tonna ımporttaldy.

Sońǵy 3 jylda balmuzdaq eksporty 4 832,3 myń AQSh dollary somasyna 1 217,8 tonna boldy (2020 jyly – 284,8 tonna, 2021 jyly – 367,9 tonna, 2022 jyly – 565,1 tonna), ımport - 1 686,6 tonna, somasy - 6 453,2 myń AQSh dollary (2020 jyly – 263,1 tonna, 2021 jyly – 215,2 tonna, 2022 jyly – 1 208,3 tonna).

Qazaqstandyq balmuzdaqtyń negizgi satyp alýshysy - Ózbekstan (2020 jyly – 221,6 tonna, somasy 872,3 myń AQSh doll., 2021 jyly – 285,7 tonna, somasy 1 052,5 myń AQSh dollary, 2022 jyly – 400,7 tonna, somasy 1 580,5 myń AQSh doll.).

Sondaı-aq, otandyq balmuzdaq Mońǵolııaǵa, Ázerbaıjanǵa, Túrikmenstanǵa jáne Tájikstanǵa jiberiledi.

Biraq elimizde sheteldik balmuzdaqqa suranys joǵary.

Frantsııadan (2020 jyly-167,5 tonna, 702,1 myń AQSh doll., 2021 jyly – 110,5 tonna, somasy 448,2 myń AQSh doll., 2022 jyly – 168,7 tonna, somasy 815,2 myń AQSh doll.), Shveıtsarııadan (2020 jyly – 34,6 tonna, somasy 286,6 myń AQSh doll., 2021 jyly – 59,4 tonna, somasy 481,9 myń AQSh doll., 2022 jyly – 77,2 tonna, somasy 630,3 myń AQSh doll.) jáne Túrkııadan ( 2020 jyly – 2,4 tonna, somasy 14,8 myń AQSh doll., 2021 jyly – 7,6 tonna, somasy 34,2 myń AQSh doll., 2022 jyly – 911,5 tonna, somasy 2 483,7 myń AQSh doll) balmuzdaq ákelindi, sondaı-aq ımporttaýshylar qatarynda Ýkraına, Ispanııa, Italııa, Ońtústik Koreıa jáne Belgııa bar.

Sonǵy jyly, ásirese, elimizde Túrkııa elinen ákelingen balmuzdaqqa suranys barshylyq.

Qazaqstan bıylǵy 4 aıda Túrkııadan (266,8 tonna, somasy 944,0 myń AQSh doll.), Lıtva (70,7 tonna, somasy 304,6 myń AQSh doll.), Frantsııa (49,8 tonna, somasy 376,8 myń AQSh doll.), Shveıtsarııa (15,0 tonna, somasy 136,6 myń AQSh doll.), Iran (10,6 tonna, somasy 1,2 myń AQSh doll.), sondaı-aq Ýkraına (11,3 tonna, somasy 55,0 myń AQSh doll.) jáne Italııadan (8,6 tonna, somasy 34,7 myń AQSh doll.) balmuzdaq ákeldi.