Qazaqstan Ballıstıkalyq zymyrandardyń taratylýyna qarsy halyqaralyq tártip kodeksiniń tóraǵalyǵyn qabyldady

ASTANA. QazAqparat - 2016 jyldyń 2-3 maýsymynda Vena qalasynda ótken Ballıstıkalyq zymyrandardyń taratylýyna qarsy halyqaralyq tártip kodeksine múshe memleketterdiń turaqty 15-shi kezdesýinde (Gaaga tártip kodeksi GTK ataýmen belgili) Qazaqstan bir jyl merzimge GTK tóraǵalyǵy laýazymyn qabyldady, dep habarlaıdy QR SІM baspasóz qyzmeti.

Gaaga tártip kodeksine Qazaqstannyń tóraǵalyq etýi elimizdiń halyqaralyq qaýipsizdikti nyǵaıtýǵa qosqan úlesin jáne Qazaqstannyń jappaı qyryp-joıý qarýyn taratpaý salasyndaǵy syrtqy saıasatynyń basym baǵytyn júzege asyrýynyń moıyndalýynyń bir belgisi.

Gaaga tártip kodeksine Qazaqstan Respýblıkasynyń atynan  tóraǵalyqty qabyl alǵan Venadaǵy halyqaralyq uıymdar janyndaǵy QR turaqty ókili Qaırat Sarybaı Qazaqstannyń osy laýazymda josparlary men basym baǵyttary jáne bizdiń 2017-2018 jyldardaǵy  BUU Qaýipsizdik keńesiniń turaqty emes múshesi retinde basym baǵyttary týraly baıandap shyqty.

Qazaqstannyń tóraǵalyǵymen ótken 15-shi Turaqty kezdesýde BUU Bas assambleıasynyń 71-shi sessııasynyń qaraýyna usynylatyn  GTK-ny odan ári qoldaý týraly rezolıýtsııasynyń jobasy kelisildi.

Gaaga tártip kodeksiniń basty mindeti - oǵan múshe elder arasynda ulttyq zymyran-ǵarysh baǵdarlamalary jáne ballıstıkalyq zymyrandardy ushyrýdy josparlaý týraly aldyna al eskertý boıynsha aqparatty erikti túrde almasý jolymen senim sharalaryn, ashyqtyqty jáne qaýipsizdik is-sharalaryn nyǵaıtý bolyp tabylady. Kodekske 138 memleket múshe.

Qazaqstan Respýblıkasy GTK-ǵa 2005 jyldyń shildesinde qosylǵan.