«Qazaqstan balalary - EQYU elderiniń kóshbasshylaryna» atty oqýshylar shyǵarmalarynyń baıqaýy ótkiziledi
ASTANA. Qazannyń 11-i. QazAqparat /Qanat Mámetqazyuly/ -Qazaqstannyń EQYU-ǵa tóraǵalyǵy aıasynda QR Bilim jáne ǵylym mınıstrligi, QR Syrtqy ister mınıstrligi Halyqaralyq aqparat komıteti jáne Shetel ınvestorlar keńesi, «Baldáýren» respýblıkalyq oqý-saýyqtyrý ortalyǵynyń uıymdastyrýymen «Qazaqstan balalary - EQYU elderiniń kóshbasshylaryna» atty oqýshylar shyǵarmalarynyń baıqaýy ótkiziletinin habarlaıdy.
Bul týraly búgin SІM ótken aptalyq brıfıng barysynda vedomstvonyń resmı ókili Asqar Ábdirahmanov málim etti.
Onyń aıtýynsha, baıqaýǵa 9-11-inshi synyp oqýshylarynyń qazirgi zamannyń ózekti máseleleri boıynsha, sondaı-aq halyqaralyq qaýipsizdik pen yntymaqtastyqqa baılanysty ózderiniń jeke kózqarastaryn bildiretin shyǵarmalary qabyldanady. Bul shyǵarmalar EQYU elderi basshylarynyń birine nemese barlyǵyna arnalǵan aǵylshyn tilinde joldaý hat túrindegi shyǵarma bolýy tıis.
«Ótinishterdi qabyldaý aıaqtalysymen, uıymdastyrýshylar ókilderinen turatyn sarapshylar komıssııasy eń tańdaýly 15 shyǵarmany anyqtap, olardyń arasynan baıqaýdyń úsh jeńimpazy men bas júlde ıesin tańdaıtyn bolady. Bas júldeniń ıesine noýtbýkpen qosa «Avstrııa áýejoldary» kompanııasynyń Qazaqstandaǵy ókildigi 2011 jyldyń qańtaryndaǵy qysqy demalys ýaqytynda «Astana-Vena-Astana» baǵyty boıynsha avıabıletin tapsyrady», - dedi A. Ábdirahmanov. Baıqaý qazannyń 20-syna deıin jalǵasatyn bolady.
«Sonymen qatar, SІM Halyqaralyq aqparat komıteti «Qazaqstan jáne AQSh - bolashaqqa kózqaras» taqyrybyndaǵy jastar shyǵarmashylyǵynyń baıqaýyna ótinishterdi qabyldaýdy qazannyń 15-ine deıin jalǵastyrady. Baıqaýǵa jasy 30-ǵa tolmaǵan Qazaqstan azamattary qatysa alady. Sharanyń eki jeńimpazyna «AQSh-tyń úsh astanasy (Nıý-Iork-Fıladelfııa-Vashıngton)» jáne Nıagara sarqyramasyna tegin saparǵa attaný usynylyp, Vashıngtondaǵy Qazaqstan mádenıeti festıvaliniń saltanatty jabylýy men Qazaqstannyń Táýelsizdik kúnine arnalǵan qabyldaý rásimine qatysýyna jaǵdaı jasalady», - dedi A. Ábdirahmanov.
