Qazaqstan balalarynyń arasynda qandaı úıirmege suranys joǵary

ASTANA. KAZINFORM — Ortalyq kommýnıkatsııalar qyzmetinde ótken baspasóz máslıhatynda tegin úıirmege baratyn balalardyń kóbine qandaı baǵytty tańdaıtyny atyldy. 

— Sport úıirmelerine kelsek, birinshi, árıne, fýtbol. Ul balanyń bári qyzyǵatyny túsinikti. Ekinshi orynǵa shyǵys jekpe-jekterin qoıar edim. Al ul men qyzǵa bólsek, qyzdar arasynda kórkem gımnastıkaǵa baratyndar kóp.

Memlekettik sport tapsyrysy shahmatshylar arasynda úlken qyzyǵýshylyq týǵyzǵanyn aıta ketý kerek. Shahmatqa degen qyzyǵýshylyq tolqyny bastalǵanyn kórip otyrsyzdar. Bul, birinshi kezekte, tıisti federatsııanyń jumysy deýge bolatyn shyǵar. Degenmen, pılottyq jobaǵa shahmat úıirmeleriniń kirýi qyzyǵýshylardyń sanyn arttyrdy. Eldiń búkil óńirlerinde shahmatpen aınalysatyn balalardyń sany artyp otyr, — dedi Serik Jarasbaev jýrnalıs suraǵyna bergen jaýabynda.

Al Mádenıet jáne aqparat vıtse-mınıstri Aıbek Sydyqov shyǵarmashylyq úıirmelerdiń arasynda ulttyq aspaptar tanymal ekenin aıtady.

— Qazir shyǵarmashylyq tapsyrys boıynsha 270 myńǵa jýyq bala úıirmelerge qatysyp otyr. Taldaý ulttyq mýzykalyq aspaptarǵa degen suranys basym ekenin kórsetti. Ekinshi orynda beıneleý óneri tur. Úshinshi orynda — bı, — dedi vıtse-mınıstr.

Buǵan deıin 1 shildeden bastap tegin úıirmeler «e-TRMK» júıesine kóshiriletinin jazǵan edik.