«Qazaqstan balalary» tujyrymdamasynyń oryndalý qarqyny qalaı

ASTANA. KAZINFORM — «Qazaqstan balalary» tujyrymdamasynyń iske asyrylýyna bes jylǵa 1,3 trln teńge qarastyrylly. Bul týraly Quryltaıdaǵy Úkimet saǵatynda Oqý-aǵartý mınıstri Juldyz Súleımenova málim etti.

«Qazaqstan balalary» tujyrymdamasy aıasynda elimizde qandaı sharalar júzege asyrylady
Foto: Oqý-aǵartý mınıstrligi

- Memleket basshysynyń tapsyrmasyna sáıkes bıylǵy 
29 qańtarda 2026–2030 jyldarǵa arnalǵan «Qazaqstan balalary» tujyrymdamasy bekitildi. Tujyrymdama balanyń qaýipsizdikke, sapaly bilim alýǵa, densaýlyq saqtaýǵa, otbasynda tárbıelenýge jáne áleýmettik qorǵaýǵa qatysty quqyqtaryn qamtıtyn tórt baǵyttan turady. Tujyrymdamada 158 is-shara men 10 ındıkator belgilengen. Onyń 94 is-sharasy 2026 jylǵa josparlanyp, bes jylǵa 1,3 trln teńge qarastyrylǵan. Qabyldanǵanyna on aıǵa jýyq ýaqyt ishinde kózdelgen sharalardyń 70%-y tolyǵymen oryndalǵanyn aıtýǵa bolady. Turaqty sıpattaǵy 32 is-shara boıynsha jumystar jalǵasyp jatyr, - dedi J.Súleımenova.

Sonymen qatar ol 2027–2028 jyldarǵa josparlanǵan jeti
is-shara merziminen buryn iske asyrylǵanyn aıtty. Olardyń qatarynda psıhologııalyq dıagnostıkany tsıfrlandyrý, pedagog-psıhologterge «Jeke qaýipsizdik» kýrsy úshin qosymsha aqy tóleý, sondaı-aq zorlyq-zombylyqtan zardap shekken balalarǵa kómek kórsetý jáne olardan jaýap alý jónindegi ádistemelerdi ázirleý bar.

Buǵan deıin Quryltaı tóraǵasynyń orynbasary Dınara Zákıeva
3 jyldyń ishinde 300 myńnan astam qıyn jaǵdaıdaǵy nemese kómekke muqtaj balalardy ýaqytyly anyqtap, kómek kórsetýge múmkindik berdi.