Qazaqstan balalar men jasóspirimder arasyndaǵy qylmystyń 39 paıyzǵa qysqarýyna qol jetkizdi
ANA. 27 qarasha. QazAqparat /Aıdar Ospanalıev/ - Qazaqstan Úkimeti úkimettik emes uıymdarmen birlese otyryp, sońǵy 8-10 jyl kóleminde qańǵybas balalar sanyn kúrt qysqartty. Al balalar men jasóspirimder arasyndaǵy qylmysty 39 paıyzǵa azaıdy.
Bul týraly Astanda ótip jatqan EQYU Sammıtiniń Sholý konferentsııasynda «Detstvo bez granıts» qoǵamdyq birlestiginiń ókili málim etti.
Onyń málimetterinshe, Qazaqstanda osy ýaqytta 4 mıllıon otbasy turady. Onda 5 mıllıon bala bar. Bul balalardyń barlyǵynyń jaǵdaıy jaqsy deýge kelmeıdi, árıne.
«Búginde álemde balalarǵa qatysty problemasy joq eldi tabý qıyn. Damydy, ósti, talaı jyldyq demokratııalyq dástúrleri bar degen memleketterdiń ózinde balalarmen baılanysty sheshýin kútken máseleler jeterlik. «Aq Qazaqstannyń derbes el bolǵanyna endi ǵana 20 jyl tolǵaly otyr. Osyǵan qaraı bizdiń elde de bul baǵytta birshama máselelerdiń bar ekeni ras. Áleýmettik jaǵynan az qamtylǵan balalarmen jumys isteıtin biz olardyń problemalaryn jaqsy bilemiz. Osy problemalardy sheshýdiń memleket úshin qanshalyqty qıyn bolǵanyn da bilemiz. Eń bastysy, bul máseleler sheshimin taýyp otyr», dedi qoǵamdyq birlestik ókili.
