Qazaqstan balalar quramasy shahmattan Batys Azııa chempıonatynda 40 medal aldy

ASTANA. QazAqparat - 30 maýsym men 10 shilde aralyǵynda Qyrǵyzstanda 6 men 18 jas aralyǵyndaǵy balalar arasynda shahmattan Batys Azııa chempıonaty ótti, dep habarlaıdy QazAqparat.

Jarysqa Bangladesh, Úndistan, Qazaqstan, Qyrǵyzstan, Oman, Shrı-Lanka, Tájikstan, Túrkimenstan, Ózbekstan elderinen 280-nen astam shahmatshy jáne Halyqaralyq shahmat federatsııasy atynan oıynshylar qatysty.

Túrli sanat jáne jas boıynsha Qazaqstan quramasy ortaq eseppen 40 medal jınady.

«Klassıkalyq shahmat jarysynda bizdiń komanda Ózbekstannan ǵana utylyp, ekinshi oryn aldy. Qazaqstan qorynda – 4 altyn, 3 kúmis jáne 4 qola. Sondaı-aq 6 jasqa deıingi sanatta, jarystan tys oıynda qazaqstandyq jas shahmatshylar 2 altyn jáne 1 kúmis jeńip aldy.

Rapıd jáne blıts boıynsha Qazaqstan quramasy komandalyq esepte jeńiske jetti», - dep jazdy Qazaqstan shahmat federatsııasynan.

Blıtste Qazaqstan qorjynynda 5 altyn jáne 3 qola medal bar. Sol arqyly elimiz jalpykomandalyq esepte birinshi orynǵa shyqty. Rapıd boıynsha da top jardyq, odan barlyq 14 sanat boıynsha 18 medal: 7 altyn, 3 kúmis jáne 8 qola júlde ıelengenbiz.