Qazaqstan balalar quqyn qorǵaýda aıtarlyqtaı tabystarǵa qol jetkizdi - ıÝNISEF ókili Djýn Kýkıta
ASTANA. 1 maýsym. QazAqparat - Qazaqstan sońǵy 20 jyl ishinde balalar quqyn qorǵaýda aıtarlyqtaı tabystarǵa qol jetkizdi.
Búgin 1 maýsym - Balalardy qorǵaý kúnine oraı Parlament Májilisinde «Zańnama jáne tájirıbedegi qazaqstandyq balalardy jan-jaqty qorǵaý jolynda» atty taqyrypta ótip jatqan halyqaralyq konferentsııa barysynda Qazaqstan Respýblıkasyndaǵy ıÝNISEF ókili Djýn Kýkıta osylaı málim etti.
ıÝNISEF ókiliniń aıtýynsha, sońǵy 20 jylda Qazaqstanda áleýmettik-ekonomıkalyq damýmen qatar, balar quqyna qatysty qoǵamdyq tanym men bilim baǵytynda da ilgeriledi. Bul balalarǵa jaǵymdy jaǵdaı qalyptastyrýdaǵy memlekettik praktıkalar men standarttardy aıtarlyqtaı jaqsartýǵa septigin tıgizdi.
«Qazaqstan balalar quqyn qorǵaýda aıtarlyqtaı tabystarǵa qol jetkizdi. Máselen men bundaı asa mańyzdy jetistiktiń tek 10 baǵytyna ǵana toqtalsam jetkilikti. Birinshiden, Balalar quqyn qorǵaý konventsııasyna sáıkes, olardyń quqyn barynsha tıimdi qorǵaý boıynsha Qazaqstan 100-den astam normatıvtik-quqyqtyq qujattardy qaıta qarap, qabyldady. Balalar quqyn óńirlik deńgeıde keńeıtý úshin Qazaqstannyń 17 qalasy «Balalar úshin dos qala» bastamasyna qosyldy. Budan bólek, balalardyń oılaý qabiletin joǵary damytýǵa qatysty ıgi qadamdardy da júzege asyrdy. Qazaqstan balalardy múgedektikten qorǵaýǵa basa nazar aýdardy. 2006-2011 jyldar arasyndaǵy mektepke deıingi bilimmen qamtý 2-esege artyp, qazir 40 paıyzdy qurap otyr», - dedi Djýn Kýkıta.
Budan bólek, mártebeli meıman Qazaqstandaǵy sottar barysynda balalardyń quqy qorǵalýy boıynsha ıývenıaldy júıe engizilgenin, múmkindigi shekteýli balalar úshin ulttyq is-qımyl jospary qabyldanǵany, sol arqyly múgedek balalar memleket nazarynda ekendigin atap ótti.
