Qazaqstan balalar quqyqtaryn qamtamasyz etý salasynda jańa sheshimderdi jasaqtaýshy bolady
ASTANA. Jeltoqsannyń 4-i. QazAqparat /Jasulan Amanbaıuly/ - Qazaqstan balalardyń quqyqtaryn qamtamasyz etý salasynda jańa sheshimderdi jasaqtaýshy bolady. Búgin Astanada Balalar quqyǵy týraly konventsııaǵa 20 jyl tolýyna oraı uıymdastyrylǵan konferentsııa barysynda Syrtqy ister mınıstriniń birinshi orynbasary Nurtaı Ábiqaev osylaı dedi,
dep habarlaıdy QazAqparat.
N.Ábiqaevtiń atap kórsetkenindeı, Qazaqstan halyqaralyq uıymdarmen birlesip, Balalardy qorǵaý júıesin odan ary jetildire beretin bolady. «Qazaqstan úshin elde ıývenaldy sot júıesin jasaqtaý, balalar eńbegin zańsyz paıdalanýdyń aldyn alý, jetim balalardyń tárbıesine januıalyq tárbıeleýdiń balamaly túrlerin engizý, jarymjan jetkinshekterdiń qajettiligin qamtamasyz etý máseleleri ózekti», dedi ol.
«Qazaqstan álemdik qaýymdastyqtyń, ıÝNISEF-tiń jahandyq kún tártibindegi maqsattardy qoldaıdy. Abyroıly, baqytty balalyq shaqty qamtamasyz etý, balalardy jáne olardyń densaýlyqtaryn qorǵaý, jastardy damytý mindettemelerin oryndaýǵa bar kúshin salady. Qazaqstan Úkimetiniń 2010-2015 jyldarǵa arnalǵan baǵdarlama negizinde Qazaqstan balalardyń quqyqtaryn qamtamasyz etý salasynda jańa sheshimderdiń jasaqtaýshysy bolady», dep atap kórsetti N.Ábiqaev.
Onyń aıtýynsha, eldegi bilim berý, densaýlyq saqtaý, kedeıshilikti azaıtý, kóshi-qon, demografııalyq damý, jarymjan adamdardy saýyqtyrý jónindegi memlekettik jáne salalyq baǵdarlamalar, sonymen qatar balalardyń quqyqtary men kózqarastaryn saqtaý ulttyq saıasatynyń oryndalýyna baǵyttalǵan. «Álemdik daǵdarysqa qaramastan, Elbasynyń bastamasymen qurylǵan baǵdarlama boıynsha 100 mektep, 100 aýrýhana salynýda, mektepke deıingi bilim berý mekemeleri, sporttyq zaldar jáne basqa da áleýmettik qurylystar turǵyzylýda», dedi N. Ábiqaev.
