Qazaqstan badmınton federatsııasynyń prezıdenti saılandy
ASTANA. QazAqparat - Qazaqstan badmınton federatsııasynyń kezekten tys konferentsııasynda atqarýshy komıtet pen tekserý komıssııasynyń jańa quramy jasaqtaldy, dep habarlaıdy QazAqparat QR Ulttyq Olımpıadalyq komıtetke silteme jasap.
Sondaı-aq, federatsııa quramyna Batys Qazaqstan jáne Shyǵys Qazaqstan oblystarynyń ókilderi enip, 2019 jylǵa arnalǵan jumys jospary talqylandy.
Forým barysynda Konferentsııa músheleriniń sheshimimen Ulan Baıjanov federatsııa prezıdenti bolyp taǵy da tórt jylǵa saılandy.
«Bul maýsymda Qazaqstan badmınton federatsııa óz mártebesin arttyryp, turaqty túrde damýda. Búginde federatsııa ókilderi Ulttyq Olımpıadalyq komıtet qoldaýymen olımpıadalyq sport túrlerinen qurama komandalardy qarjylandyrý máselesin josparlap, oryndaý barysyna turaqty túrde qatysyp keledi. Qazaqstan Ulttyq Olımpıadalyq komıtetiniń prezıdenti Tımýr Qulybavtyń sheshimimen 2019 jyldan bastap olımpıadalyq sport túrlerindegi bas bapkerlerdiń jalaqysy kóteriledi. Onyń ishinde badmınton da bar. Kelesi jyldan bastap tóreshiler alqasyna erekshe kóńil bólinip, olardyń biliktiligin arttyrýǵa nazar aýdarylmaq. Federatsııa Atqarýshy komıtetiniń jańa quramy Qazaqstanda badmınton sportyn damytý úshin bar kúshin salady», - delingen baspasóz habarlamasynda.
