Qazaqstan BAÁ óndirilgen Hayat-Vax vaktsınasynyń partııasyn satyp aldy
NUR-SULTAN. QazAqparat - «SQ-Farmatsııa» «Samuryq-Qazyna» Ulttyq ál-aýqat qory AQ ujymyn vaktsınatsııalaý úshin 1 000 000 doza mólsherinde koronavırýstyq ınfektsııaǵa qarsy Hayat-Vax (SARS-CoV-2 (Vero Cell) vaktsınasynyń partııasyn satyp aldy. Bul týraly QazAqparat Densaýlyq saqtaý mınıstrligine silteme jasap habarlaıdy.
«Sinopharm» kompanııasy vaktsınasynyń bul partııasy Biryńǵaı dıstrıbıýtordyń habtaryna jóneltilgennen keıin birinshi kezekte holdıng kontıngentiniń qajettilikteri úshin paıdalanylatyn bolady.
Sodan keıin Hayat-Vax vaktsınalarynyń qalǵan sany halyq arasynda vaktsınatsııa alǵysy keletinder úshin qoldanylady.
Atalǵan vaktsına kelesi keste boıynsha jetkiziledi:
- 2021 jylǵy 30 sáýirine deıin 400 000 doza;
- 2021 jylǵy mamyr aıynda 600 000 doza.
Anyqtama: aldyn ala toltyrylǵan shprıtste nemese qutyda ınaktıvatsııalanǵan «Sinopharm» Hayat-Vax (SARS-CoV-2 (Vero Cell) COVID-19 koronavırýstyq ınfektsııasyna qarsy vaktsınasy, saqtaý sharttary +2 - +8 gradýs. 1 adamǵa vaktsınanyń 2 dozasyn engizý usynylady, ekinshi doza birinshi ınektsııadan keıin 14 kúnnen soń júrgiziledi.
Óndirilgen aımaǵy Gulf Pharmaceutical Industries Julphar, BAÁ;
Jetkizýshi - «G42 MEDICATIONS TRADING» LLC;
SARS-CoV-2 (Vero Cell) sýbstantsııasy WEB (Wuhan Bio-Institute Biological Products Co. Ltd) jáne BIBP (Beijing Bio-Institute Biological Products Co.. Ltd) negizinde óndirilgen eki óndiris alańy da Sinopharm-ge tıesili.
